Hindi Vs English debate UPSC exam

HINDI  HAI HUM VATAN HAI HINDUSTAN  HAMARA

Har koi hindi matrabhasha , hamari maa hai and all the rest of it-- din raat jap rahe hai, aur ek aisa vatavaran bana diya gaya hai ki agar aadmi "ye sab" na kare toh wo deshdrohi se kam nai hai, ye kaha tak vajiv hai  thodi si unbiased review kijiye.

Aaj kal lagabhag poore desh me anti-english type movement cha raha hai, especially by waana-be IAS IPS, pro-hindi(tamil/telegu/marathi/etc) hona buri baat kabhi nai thi aur na aaj hai........par anti-english iske bahut negative doorgaami parinaam honge jiska khaamyaja sab ko bhugat na padega gaur talab hai hum english ka istamaal roj marra ke zindagi me karte hai aur kitna jyada karte hai ye toh bilkul batane ki jaruruat nai hai 

yahi log jab kisi angrej ko dekh lete hai toh har sambhav prayaas karte hai Angreji me vartaalaap karne ka . Koi ladki agar pasand aajae toh impress karne ke liye SPOKEN ENGLISH course tak join kar daalte hai. Parantu jab bola jae ek chota sa class Xth level ka english grammar ka test lelo akhir officer ban-ne ja rahe ho, fir dekhiye saari duniya sir par uthalenge danga dharna pradarshan karenge par WREN & MARTIN ke 100 page grammar waale nai padhenge. Globalisation kaa zaamaana hai, people to people contact badh raha hai exponentially, aise me hum logo ko paripakwata ke saath is baath ko sweekaarna aur samajhana hoga ki ENGLISH ek connecting language ka kaam karti hai, Maan lijiye aap officer ban gae ab aapko ek videshi mulk jaana hai kisi  sarkaari kaam kaaj ke sil-sile me aur waha ke log ko sirf apni baasha aur english aati hai, aur aapko sirf hindi agar aayegi toh kaise kaam chalega? ? ? adhikaansh sarkaari kaam-kaj english me hota hai, saari saari ki saari LAW english me hai aur toh aur PARLIAMENT me bhi hindi ke saath english ka istamaal kiya jaata hai -ye praavdhaan constitution me bahut clearly likha hai.

Jis aasani aur teji se koi bhi vyakti english sikh sakta hai wo kisi aur bhasha me nai. English ko kisi pashchimi chochke ke roop me na dekha kar ek ahem avsar ke roop me dekhna chahiye.

Competition e baithe abhiyarti ko har wo syllabus ki tayari karni chahiye jo uske saamne rakha jae, aur na ki apne aap ko kamjor saabit karna chahiye ye demand karke ki syllabus bahut kathin hai, english kyu hai, math kyu hai..................agar kuch hai toh uska kaaran hai, usak istamaal aapke bhavishya me andhaaduun hoga aapke swayum dwara. 

rattu tote ban kar kuch nai hona hai, nai cheeze sikhne aur samajne waale log hi apne zinadagi me safal hote hai. English ko "avoid" karke kuch haasil nai hoga, magar use vash me kariye haraiye 

Jai Hind(i)

Jai Bharat